Bus salpok sa poste ng LRT: 7 sugatan
Driver inantok, nakatulog
MANILA, Philippines — Pito ang sugatan matapos bumangga ang sinasakyan nilang bus sa poste ng Light Rail Transit (LRT) sa P. Burgos, Ermita, Maynila, kahapon ng umaga.
Ginagamot sa Justice Jose Abad Santos General Hospital ang mga nasugatang kinilalang sina Arnel Ramirez, 36, driver ng bus; Norma de la Rosa, 62; Charlie Chua, 26; Adelia Leynes, 16; Danny Reyes, 36; Jasmine Peralta, 22; at David Timothy Improgo, 21, pawang mga pasahero ng naturang bus.
Dakong alas-9:00 ng umaga nang maganap ang pagsalpok ng Alabang Transport Service Cooperative Bus na may plakang UVD-442 sa northbound lane ng P. Burgos St.
Nakaidlip umano ang driver kaya bumangga sa poste. Masusi pang iniimbestigahan ang pangyayari.
- Latest