7 bahay sa gilid ng Manila Bay, tinangay ng alon

MANILA, Philippines — Tinangay ng malakas na alon ang pitong kabahayan na nakatayo sa gilid ng Manila Bay sa Isla Puting Bato, sa Brgy. 20, Tondo, Maynila, kahapon.

Dakong ala-s 3:00 ng hapon nang respondehan ang nasa 23 pamilya o 74 indibidwal mula sa nawasak at tinangay ng tubig na mga barung-barong dahil sa lakas ng hangin at alon dala ng habagat, ayon sa Manila Disaster Risk Reduction and Management Office (MDRRMO).

Pawang yari lamang sa magagaan na kahoy at yero ang mga barung-barong na tinangay.

Inilikas ang mga evacuees sa Delpan Evacuation Center at doon sila dadalhan ng relief goods at makakain ng Manila Department of Social Welfare (MDSW).