Rollback sa petrolyo
MANILA, Philippines — Magpapatupad ng karampot na rollback sa presyo ng kanilang produktong petrolyo ang mga kompanya ng langis.
Pinakahuling nagpahayag ng rollback ang Chevron Philippines (Caltex) at Eastern Petroleum Corp. na magtatapyas sa presyo ng kanilang produkto epektibo alas-6 ngayon ng umaga.
Nasa P.25 sentimos kada litro ang itatapyas nila sa presyo ng gasolina, P.20 sa diesel at P.40 sa kerosene.
Una nang naghayag ng rolbak ang Seaoil Philippines, Petro Gazz at Pilipinas Shell. Hindi pa naman naghahayag ng kanilang rolbak ang ibang kompanya na inaasahan naman na susunod rin.
Sa unang pagtataya ng mga oil experts nitong nakaraang linggo, nasa P.30-P.40 sentimos kada litro ang nakitang maaaring ibaba sa gasolina, P.20-P.30 sentimos naman sa diesel habang P.30-P.40 sa diesel na nabago matapos ang cut-off nitong nakaraang Martes.
- Latest
