Bangkay ng kelot nabingwit, sa estero sa Tondo

MANILA, Philippines – Isang lalaki na pinaniniwalaang biktima ng summary execution ang nabingwit sa estero sa Tondo, Maynila kahapon ng umaga.

Ayon sa ulat, tinanggalan pa ng isang mata ng mga salarin ang biktima.

Inilarawan sa edad na 50-60 ang biktima, nasa 5’-5’3 ang taas,  may manipis na buhok, maputi, nakasuot ng t-shirt na maroon at gray na pantalon.

Sa ulat ni Police Corporal Mark Daniel De Guzman ng Manila Police District-Homicide Section, dakong alas- 6:30 ng umaga kahapon (Hulyo 18) nang mamataan ng isang 13-anyos na scavenger ang lumulutang na bangkay sa dulo ng barge na nakadaong  sa Estero De Sunog Apog malapit sa Del Fiero Bridge,  Gagalangin,  Tondo, Maynila.

Agad itong ipinaalam sa barangay tanod na si Ruben Gonzales na siyang nag-ahon sa bangkay.

Patuloy pa rin ang isinasagawang imbestigasyon sa insidente. Keanna Tiatco