Basurero utas sa kapwa basurero
MANILA, Philippines — Patay ang isang basurero nang pagsasaksakin ng kanyang kapwa basurero na napikon matapos na magtalo kahapon ng umaga sa Tondo, Maynila.
Dead on arrival sa Tondo Medical Center si Danilo Belmonte, ng Marala St., Tondo, dahil sa mga tinamong saksak sa iba’t ibang bahagi ng katawan.
Tinutugis naman ng mga tauhan ng Manila Police District (MPD) ang suspek na nakilalang si Fred Lojete na kapitbahay ng biktima.
Naganap ang insidente dakong alas -7 ng umaga, nang magkaroon ng mainitang pagtatalo ang dalawa .
Napikon umano si Lojete kaya bumunot ng kitchen knife at pinagsasaksak ang biktima,at saka mabilis na tumakas.
Isinugod ng ilang concerned citizen sa pagamutan ang biktima pero hindi na umabot ng buhay.
Patuloy ang imbestigasyon ng pulisya, habang inutos ang pag-aresto kay Lojete.
- Latest