75 video karera, fruit game machines winasak ni Mayor Isko kasama ang PNP
MANILA, Philippines — Aabot sa 75 makinang ginagamit sa iligal na pagsusugal ang winasak ng lokal na gobyerno ng Maynila kasama ang Philippine National Police Miyerkules ng umaga.
Gamit ang maso, pinagsisira ito nina Manila mayor Francisco Moreno Domagoso at Manila Police District Br. Gen. Vic Danao kanina sa Manila City Hall.
75 video karera and fruit game machines were destroyed by Manila mayor Isko Moreno and MPD Br.Gen. Vic Danao at the city hall grounds this morning. @PhilippineStar pic.twitter.com/NjLCGveAWg
— Marc Jayson Cayabyab (@mjaysoncayabyab) July 3, 2019
Maaaring makasuhan ng paglabag sa Presidential Decree 1602 ang mga nagpapatakbo ng mga naturang kagamitan, na magreresulta sa mga multa at pagkakakulong.
Saklaw ng nasabing batas ang mga makina na ginagamit para sa iligal na pagsusugal: "... slot machines, roulette, pinball and other mechanical contraptions and devices."
Sa ngayon, tanging ang Philippine Amusement and Gaming Corporation lamang ang may karapatan na magbigay ng lisensya at magregula sa mga pasugalan sa bansa, maliban sa Cagayan Special Economic zone and Freeport.
Kahapon, viral din sa social media ang isinagawang "clearing operations" sa Divisoria, Maynila dahilan para luminis ang lugar.
LOOK: Authorities cleared the streets of Divisoria in Manila on Tuesday morning, days after Isko Moreno assumed his post as mayor of the city. pic.twitter.com/sGe0oYIPlQ
— The Philippine Star (@PhilippineStar) July 2, 2019
Bahagi ang mga ito ng mga paunang "paglilinis" ni Domagoso sa Maynila matapos maluklok sa pwesto nitong Linggo, ika-30 ng Hunyo. — may mga ulat ni Marc Jayson Cayabyab at The STAR.
- Latest