Anti-cyber sex, bullying program sinimulan ng DepEd
MANILA, Philippines — Sinimulan na ng Department of Education (DepEd) ang kanilang programa laban sa Cyber-sex at Cyber bullying na tinawag na ‘Intensified Student Anti Bullying Action Center’ (I-SABAC).
Layunin nito na tugunan ang lahat ng uri ng bullying problem ng batang mag-aaral, lalong-lalo na ang sexual harassment at cybersex exploitation.
Ang I-SABAC ay improve version ng E-SABAC na naging matagumpay sa pagtugon ng bullying sa internet o cyber bullying at iba pang uri ng pambubuli sa paaralan lalo na ngayon na opening ng klase ngayong araw.
Pinasimulan ng DepEd-Taguig City at Pateros ang Anti-Bullying Caravan upang ipaalam sa mga magulang at komunidad ang epekto ng bullying at ang programang sasagot sa problema ng cyber-bullying lalong lalo na sa child pornography or cybersex na isa sa mabigat na suliranin ng Taguig City.
Ang E-SABAC ang kauna-unahang anti-cyber bullying program ng DepEd sa buong bansa na inilunsad ng DepEd-Taguig na tutugon sa mga bullying problem sa internet at social-media.
Kailangan lamang mag-log in ang isang biktima ng cyber bullying sa E-SABAC DepEd TAPAT@facebook. com at mayroong administrator ng website na tutugon sa kanyang problema.
Ang Anti-bullying caravan ay umikot sa lungsod dala ang mga tarpaulin na nagbibigay impormasyon kung paano isumbong ang ano mang uri ng bullying.
- Latest