20 barangay sa QC, 7 oras mawawalan ng tubig
MANILA, Philippines — Aabutin ng pitong oras na walang suplay ng tubig sa 20 barangay sa Quezon City.
Ito ayon kay Jeric Sevilla Jr. , Group Head, Corporate Strategic Affairs at siya ring head ng Corporate Communications ng Manila Water ay dahil sa paglilipat ng major pipeline sa kanto ng Elliptical Road at North Avenue bunga ng itinatayong MRT- 7 doon.
Anya may mahigit 242,000 katao ang maaapektuhan ng naturang water interruption na magsisimula alas-11 ng gabi ng Biyernes, May 24 hanggang alas-6 ng umaga ng May 25.
Ang mga apektadong barangay ay Central, Malaya, Pinyahan, Sikatuna Village, San Vicente, Teachers Village East, Teachers Village West, U.P. Village, Ramon Magsaysay, Alicia,Santo Cristo, Bagong Pag-asa,Old Capitol Site,Vasra,Project 6, Culiat , New Era, Bahay Toro,Tandang Sora at Pasong Tamo.
Ayon kay Sevilla, ngayon pa lamang ay pinag-iimbak na nila ng tubig ang mga apektadong barangay upang may magamit sa panahon na walang suplay.
- Latest