P6.5M calamity fund ipinagkaloob ng PCSO sa quake victims
MANILA, Philippines — Kabuuang P6.5 milyong halaga ng calamity fund ang ipinagkaloob ng Philippine Charity Sweepstakes Office (PCSO) sa mga lalawigan ng Pampanga at Zambales, na pinaka-apektado ng 6.1 magnitude na lindol na yumanig sa Luzon noong Abril 22.
Ayon kay Sandra Cam, direktor ng PCSO, P5 milyon dito ay napunta sa Pampanga, habang P1.5 milyon naman ang para sa Zambales, upang magamit sa pagkakaloob ng kaukulang tulong sa mga nabiktima ng lindol.
Ani Cam, ang naturang calamity fund ay itinakda ng PCSO Board of Directors (BOD) matapos ang isinagawa nilang pagbisita at assessment sa epekto ng lindol.
Nabatid na bukod sa calamity fund ay pagkakalooban din nila ng medical assistance ang mga biktima ng lindol na naka-confine sa mga pagamutan, sa pamamagitan ng kanilang Individual Medical Assistance Program (IMAP).
- Latest
