MMDA personnel ‘no day-off’ ngayong Kuwaresma
MANILA, Philippines — Sa kabila ng inaasahang pagluwag sa trapiko sa Metro Manila ngayong darating na Mahal na Araw, hindi pa rin magpapatupad ng “day-off” ang Metropolitan Manila Development Authority (MMDA) sa kanilang mga tauhan.
Sa halip, ikakalat ng ahensya ang 1,500 tauhan sa kalsada para alalayan ang mga motorista na uuwi ng mga probinsya at magtutungo sa mga simbahan.
“Aside from enforcers, we will also deploy staff from the Road Emergency Group which will be stationed at Quiapo and Ortigas,” ayon kay Edison Nebrija, Task Force EDSA supervisor.
Magtatalaga rin ng mga ambulansya sa mga itatatag nilang istasyon para sa mga deboto na tutungo naman sa simbahan ng Antipolo para sa taunang Alay Lakad.
Pinaalalahanan naman ni Nebrija, ang mga motorista na kahit maluwag ang kalsada, manatili lamang sa 60 kilometers per hour speed limit na epektibo kahit holiday upang maiwasan ang mga sakuna.
- Latest