Maikling pila sa immigration tiniyak

MANILA, Philippines — Magiging mas maik­li na ang pila sa mga paliparan ngayong Holy Week.

Ito ang inihayag ng Bureau of Immigration para sa mga bibiyahe ngayong Semana Santa.

Ayon kay BI spokesperson Dana Sandoval, marami na rin daw kasi silang dinagdag na mga immigration officers.

Kamakailan lang ay nag-hire nga raw sila ng karagdagang 300 na immigration officers para mas mapabuti pa ang kanilang serbisyo sa mga paliparan.

Bukod dito, sinabi ni Sandoval na nagla­gay na rin sila ng electronic gates sa mga paliparan upang makatulong sa bugso ng tao sa Holy Week.

Labinlimang se­gundo lamang aniya ang itatagal ng pagproseso sa isang pasahero, kaya asahan na raw ang mabilis na pag-usad ng pila.