Shootout sa drug-bust: 2 PDEA agent, ‘tulak’ sugatan
MANILA, Philippines — Dalawang ahente ng Philippine Drug Enforcement Agency (PDEA) ang kapwa sugatan sa isang engkuwentro kontra sa isang drug suspect na sugatan din sa ikinasang buy-bust operation kahapon ng umaga sa Pasay City.
Kapwa ginagamot sa San Juan De Dios Hospital ang mga biktimang sina PDEA Agent 3 Charlemaine Tang, at PDEA Agent 2 Richard Seure, 44.
Sugatan din makaraang tamaan ng ligaw na bala ang kahera ng Uniol Gasoline Station na nakilala lamang sa pangalang Justine na isi-nugod sa Adventist Hospital.
Ginagamot din sa nabanggit na ospital ang sugatang suspek na nakilala sa pangalang alyas Boy, habang nakatakas naman ang kasabwat nito.
Ayon sa isinumiteng report ni Chief Inspector Wilfredo Sangel, hepe ng Station Investigation and Detective Management Branch (SIDMB) kay Pasay City chief of police, Senior Supt. Bernard Yang, naganap ang insidente alas-7:30 kahapon ng umaga sa Buendia-Harrison St., ng nasabing lungsod.
Nabatid na nagkasa ng buy-bust operation ang ope-ratiba ng PDEA laban sa suspek matapos silang makatanggap ng impormasyon hinggil sa iligal na gawain nito.
Natunugan ng suspek na taga PDEA ang kanyang katransaksiyon, dahilan upang bumunot ito ng baril at pinutukan nito ang mga biktima.
Gumanti ng putok ang mga operatiba at makalipas ang tatlong minutong palitan ng putok sa pagitan ng mga awtoridad at mga suspek dito na nakitang duguan sina Yang at Saure, maging ang suspek.
- Latest
