MMDA at Sesame Street nagsanib puwersa

Mga kabataan tuturuan ng road safety, waste management

MANILA, Philippines — Nagsanib pwersa ang Metropolitan Manila Development Authority (MMDA) at Sesame Street upang tulungan at bigyan ng kaalaman ang lahat ng  kabataan at mga estudyante sa Metro Manila para  sa road safety, waste management at public safety.

Tutulong sa MMDA ang mga main character ng Sesame Street na sina Elmo, Cookie Monster, Big Bird at ang kanilang mga kaibigan para sa pagbibigay ng tatlong taon na educational campaign sa mga kabataan na may kaugnayan sa kaligtasan sa kalsada, disiplina,  tamang pagtatapon ng basura, tamang pangangalaga ng kalikasan at paghahanda kapag may mga  emergency cases tulad ng mga kalamidad at aksidente.

Inilunsad kahapon ang partnership sa pagitan ng MMDA at Sesame Street sa Children’s Road Safety Park sa Malate, Maynila.

“We are very excited about this initiative which focuses on children, the future citizens of Metro Manila. It is everybody’s responsibility to teach kids respect for the rules and compassion for the community, and we at the MMDA are proud to be with Sesame Workshop at the frontline of this endeavor. We hope that through our line-up of activities under this partnership, the kids will carry out these lessons throughout childhood and into their adult lives as well”, sabi ni MMDA Chairman Danny Lim.

Nilagdaan ng MMDA sa pangunguna ni Lim at  Will DePippo, Director Asia Pacific for Sesame Workshop ang isang Memorandum  of Agreement (MOA) para sa paglulunsad ng naturang programa.