Birthday party nabahiran ng dugo, nagpanggap na pulis dedo
MANILA, Philippines — Patay ang isang 54-anyos na lalaki makaraang barilin ng isang janitor matapos pumasok ang una sa isang birthday party at magpanggap na pulis, kamakalawa ng gabi sa Pasay City.
Dead on arrival sa Protacio Center Hospital sa Parañaque City si Larry Fortaleza, ng Twin Pioneer Street, Brgy. 189, Zone 20 ng naturang siyudad.
Hinahanting naman ngayon ng pulisya ang suspek na si Rey Dongon, isang janitor ng JRS Management Center Agency, Pioneer Highlands sa Mandaluyong City.
Ayon sa report ng Pasay City Police, naganap ang insidente alas-8:00 kamakalawa ng gabi nang biglang pumasok sa bahay ng isang Raulito Bisnar na siyang host ng birthday party ang nasawi at nagpakilalang pulis.
Dito ay nakaroon na ng argumento sa pagitan ng biktima at suspect, na bisita rin roon at kasagsagan ng pagtatalo ay bumunot ng baril si Dongon at pinutukan nito ng tatlong beses si Fortaleza.
Pagkatapos ay mabilis na tumakas ang naturang suspek at ang biktima naman ay dinala sa nabanggit na ospital ng ilang nagmamalasakit, hindi na umabot pang buhay.
- Latest