P450-M RPT shares, ibinigay sa 896 barangay sa Maynila

MANILA, Philippines — Umaabot sa P450 milyong Real Property Tax shares ang ipinamahagi ni Manila Mayor Joseph Estrada sa may 896 barangay chairman bilang bahagi ng maayos na fiscal management ng lungsod.

Ang naturang shares ay mula sa kita ng mga barangay mula sa RPT ng kani-kanilang mga nasasakupan.

Nabatid na umaabot sa P450 milyon ang  kabuuang  RPT shares na ipinamahagi sa mga barangay chairman ni Estrada.

Ayon sa ilang barangay chairman, maisasagawa na nila ang kanilang nga nakabinbing proyekto tulad ng  declogging at fumigation  bilang proteksiyon  ng mga residente.

Nakakuha ng may pinakamalaking share si Brgy. Chairman Bryan Mondejar ng District 1.

Umaasa rin si Estrada na mas lalo pang  pagbubutihin ng mga barangay ang pagbibigay serbisyo sa kanilang mga nasasakupan at hindi gagamitin ang  shares sa kanilang pansariling interes.