30 Chinese dinakip ng BI sa Parañaque
Mga walang working permit
MANILA, Philippines — Nadakip ng mga tauhan ng Bureau of Immigration ang 30 Chinese nationals umano’y mga walang wor-king permit ngunit nakapagtatrabaho sa bansa sa operasyon na isinagawa sa 16 na establisimyento sa Parañaque City, kahapon ng umaga.
Sinalakay ng mga ahente ng BI ang 16 establisimyento makaraang makatanggap ng tip na may mga tauhan silang Tsino na nagtatrabaho ng walang kaukulang working permits sa kahabaan ng Pres. Diosdado Macapagal Boulevard sa naturang lungsod.
Nagtatrabaho ang mga inaresto bilang mga cooks at vendors na pawang mga wala ring visa.
Ayon sa BI, karamihan sa mga inaresto ay mga “undocumented” o “overstaying aliens” at may hawak lamang na mga tourist visas.
Nakaditine ang mga inarestong Tsino sa BI detention center, at nahaharap sa kasong paglabag sa Immigration Law habang prinoproseso ang deportasyon laban sa kanila.
- Latest
