Erap suportado si Sec. Diokno
MANILA, Philippines — Sinuportahan ni Manila Mayor Joseph Estrada si Budget Secretary Benjamin Diokno sa gitna ng panawagan ng mga kongresista na sibakin ito sa pwesto.
Ayon kay Estrada, si Diokno na naging Budget chief niya rin noong Pangulo pa siya, ay may mataas na uri ng pagkatao at integridad kaya kinuha itong magsilbi sa gobyerno.
Nauna nang pinabulaanan ni Diokno na may kinalaman siya sa mga kontratang nakuha ng CT Leoncio Construction and Tradings na nakabase sa Bulacan at umano’y may mga proyekto sa Sorsogon.
Sinuportahan din ni Estrada ang desisyon ni Pangulong Rody Duterte na panatilihin sa posisyon si Secretrary Diokno dahil wala naman umanong basehan ang mga bintang dito.
Tahasang ding hinikayat ng dating alkalde ang mga mamamayan na huwag paniwalaan ang mga alegasyon kay Diokno at magpatuloy na magtiwala dito.
“Tatlong Pangulo na ng bansa ang pinagsilbihan ni Diokno. Kaya siya pinagkakatiwalaan dahil hindi lamang ito tapat at mabuting tao, magaling pa ito sa kanyang trabaho,” dagdag pa ni Estrada.
- Latest
