Biyahe sa EDSA target pabilisin sa 20 kilometro kada oras
MANILA, Philippines — Target ni MMDA Traffic Czar Bong Nebrija, na mapabilis pa sa 20 kilometro kada oras ang biyahe ng mga motorista sa EDSA pagkatapos ng Kapaskuhan.
Sinabi ni Nebrija, na optimistic siya na maisakatuparan niya ito, subalit sa ngayon ay hindi niya ito magagawa dahil sa panahon ng Kapaskuhan, ngunit anumang oras ay mangyayari ito.
Hindi nawawalan ng pag-asa si Nebrija at naniniwala siyang mareresolba ang ma-tinding trapik sa Metro Manila lalo na sa EDSA, na isa aniya sa mga kailangan ay mahigpit na pagdisiplina sa mga motorista.
Kung kaya’t inatasan niya ang mga opisyal ng MMDA Metro base, na higit na paigtingin ang pagpapatupad ng “no contact apprehension” at physical arrest” laban sa sinumang violator.
Karamihan aniya sa mga nahuhuling violators ay ang mga bus na lumalabag sa MMDA’s yellow lanes, hindi pagsunod sa designated drop off at pick-up points at ang closed-door policy.
- Latest
