Mga estudyante umaktong konsehal sa session ng City Council sa Maynila
MANILA, Philippines — Isang hamon ang maging konsehal.
Ito ang binigyan diin ng mga estudyante mula sa mga pampublikong paaralan sa lungsod ng Maynila makaraang pansamantala silang nagsilbing mga konsehal sa ginanap na sesyon sa City Council kahapon ng umaga sa session hall ng Manila City Hall.
Ayon kay Majority Floor Leader 2nd District Councilor Rolan Valeriano, taun-taon umanong ipinagdiriwang ang “Linggo ng Kabataang Maynila 2018” kung saan binibigyan ng pagkakataon ang mga napiling estudyante ng lungsod na makatrabaho at maranasan nila ang maging alkalde, bise alkalde, konsehal at department heads sa Manila City Hall.
Nagmula ang mga estudyante sa may 50 public schools na pinapatakbo ng lungsod ng Maynila.
Ilan sa kanila ay matataas ang grado at kandidato umano sa pagiging Valedictorian at Salutatorian sa kani-kanilang pinapasukang eskwelahan.
- Latest
