P3.4- M shabu nasamsam ng PDEA
MANILA, Philippines — Nasa kalahating kilong shabu na tinatayang nagkakahalaga ng P3.4 million ang nakumpiska mula sa naarestong ‘tulak’ sa isinagawang buy-bust operation na ikinasa ng Region 4, CALARBARZON,-Philippine Drug Enforcement Agency (PDEA), kamakalawa ng hapon sa Pasay City.
Nakilala ang natimbog na suspect na si Madato Ruisan.
Bago ito, nakatanggap ng impormasyon ang tanggapan ng PDEA hinggil sa pagbebenta ng droga ng suspect, dahilan upang magkasa sila ng buy-bust operation.
Nakipagtransaksyon ang ahente ng PDEA kung saan ang transaksyon ay isinagawa sa parking sa may Pasay.
Nang magpositibo ay dito na dinakip ng mga ahente ng PDEA ang suspect at nakumpiska dito ang nasa kalahating kilo ng shabu.
Sa ngayon ay sinasailalim na sa imbestigasyon ng mga awtoridad ang nabanggit na suspect.
- Latest