Ex-Payatas Police Chief, 16 pa kakasuhan sa pagkamatay ng tinedyer sa drug ops
MANILA, Philippines — Nasa hot water ngayon ang dating hepe ng Batasan Police at 16 pa nitong tauhan matapos na makitaan ng ‘probable cause’ ng PNP-Internal Affairs Service (PNP-IAS) ang kaso kaugnay ng kontrobersyal na pagkamatay ng isang tinedyer sa buy-bust operation sa Brgy. Payatas, Quezon City noong 2016.
Si Supt. Lito Patay, ay dating hepe ng Police Station 6 sa Batasan kung saan maraming mga drug pushers ang bumulagta sa buy bust operation , ayon sa opisyal ay pawang nanlaban sa kanilang lehitimong operasyon.
Nabatid na bukod kay Patay pinakakasuhan na ng PNP-IAS ang 16 nitong mga tauhan sa pagkamatay ng tinedyer na si Darwin Hamoy, 17.
Inirekomenda ng PNP–IAS ang pagsasampa ng kasong grave misconduct at grave irregularity laban kina SPO3 Carlo Abella; SPO2s Marvin Merida, Rhodolf Makie at Ralph Pinero; SPO1 Ronnie Banggat; PO3’s Dennis Pal, Richard Timon, Edilberto Vargas at Nonilon Laberon: PO2’s Michael Maderable, Amirudin Ibrahim, Alberto Pombo, Andy Adlawan, Charles Molinos, Herbert Angoluan at Wilson Escuro.
Sa report ng PNP–IAS inilarawan ang nasabing mga parak na walang karapatan na magpatuloy pa sa serbisyo dahilan sangkot ang mga ito sa katiwalian kung saan isinasalang na ang mga kinauukulan sa summary dismissal.
Si Patay ay nalipat na ng destino sa Police Regional Office (PRO) 7 sa Cebu bilang hepe ng Criminal Investigation and Detection Group sa rehiyon.
- Latest