Navotas fire: 10 pamilya nawalan ng tahanan

MANILA, Philippines — Nawalan ng tahanan ang sampung pamilya matapos na lamunin ng nagngangalit na apoy ang kani-kanilang bahay sa naganap na sunog sa Brgy. San Jose, sa lungsod ng Navotas, kahapon ng umaga.

Ang sunog na umabot sa ikalawang alarma, ay sinasabing nagsimula sa bahay ng isang John Patrick Martinez, dakong alas-5:00 ng umaga kung saan mabilis na kumalat ang apoy sa mga katabing bahay na pawang mga gawa lamang sa light materials.

Agad rin namang naa­pula ang sunog ng mga rumespondeng bumbero dakong alas-6:00 ng umaga.

Ayon sa kay Navotas Fire mashall Supt. Edwin Vargas, tinatayang nasa P400,00 ang napinsala ng sunog habang wala namang nasawi o nasugatan sa naturang insidente.