150 pamilya nasunugan sa Navotas
MANILA, Philippines — Nasa 150 pamilya ang naapektuhan makaraang tupukin ng isang malaking sunog ang isang residential area sa Navotas City, kahapon ng umaga.
Sa ulat ng Bureau of Fire Protection (BFP), alas-7:30 ng umaga nang sumiklab ang sunog sa isa sa mga bahay sa Oliveros Street sa Brgy. Ta-ngos at mabilis na kumalat sa mga bahay na pawang gawa sa light materials.
Umakyat sa ikatlong alarma ang sunog bago ito naa-pula ng mga bumbero dakong alas-9:46 ng umaga o higit dalawang oras.
Masuwerteng walang naiulat na nasaktan sa insidente nang agad na makalabas ang mga residente sa kani-kanilang bahay at makapagsalba pa ng kanilang mga gamit.
Agad na bumisita sa lugar sina Navotas City Mayor John Rey Tiangco kasama si Vice Mayor Clint Geronimo at inatasan ang lokal na Social Welfare and Development Office na maglabas ng pondo para mabigyan ng kinakaila-ngang tulong ang mga biktima ng sunog.
Nananatili at nagsisiksikan sa barangay covered court ang mga pamilyang nawalan ng tahanan na nanawagan rin sa nasyunal na pamahalaan ng kaukulang tulong.
- Latest