Krimen bumaba ng 17 % -- PNP
MANILA, Philippines — Bumaba ng 17 porsiyento ang total crime volume sa buong bansa sa loob ng anim na buwan o kalagitnaan ng taong kasalukuyan.
Ito ang inanunsyo kahapon ni Philippine National Police (PNP) base sa ipinalabas na data ng PNP’s Unit Crime Periodic Reports (UCPER).
Sinabi ni Albayalde na sa kabuuang 227,757 insidente ng mga krimen na nairekord mula Enero hanggang Hunyo ng taong ito ay nasa 17.39 % ang ibinaba ng kriminalidad mula sa dating bilang na 275,702 na nairekord noong nakalipas na taon.
Sinabi ni Albayalde na ang pagbaba ng index at non-index crimes ay nairekord sa 33.05 % at 13.20 %.
“Among Index crimes, the top three most prevalent crimes are Theft, Physical Injury and Robbery. But despite Theft and Physical Injury registering the top two most prevalent crimes nationwide, both crime ca-tegories went down by 36.90 percent and 33.80 percent, respectively,” pahayag ni Albayalde.
Kabilang sa index crimes ay murder, homicide at physical injury habang ang non-index crimes ay kinabibila-ngan naman ng paglabag sa mga ordinansa ng lungsod at iba pang mababang uri ng krimen.
“We noted that homicide incidents have been slightly reduced during the first half of 2018 after several months of consistently posting increased incidents among the eight focus crime categories,” anang opisyal.
Nabatid na ang kaso ng murder ay bumaba ng 29. 54 %; homicide 9.47 %, physical injury 33.80 %; rape 24.82 %; robbery 34.40 % ; theft 36.90 %; carnapping ng motor vehicles 36.30 % at carnapping ng motorsiklo 26.61 %.
“The significant 17.39% drop in crime incidents during the January-June period, and onwards until the end of September, is expected become the trend for the remaining months of the year when petty crimes are traditionally believed to peak in the holiday season. But contrary to this perception of a spike in crime during the “ber” months, we see a steady decline in all crime categories”, anang opisyal.
- Latest
