Kano timbog sa P30-M ‘kush’
MANILA, Philippines — Timbog sa mga otoridad ang isang US national matapos salakayin ang tahanan nito at makumpiskahan ng nasa P30-milyong halaga ng ‘Kush’ o high grade marijuana, kahapon ng hapon sa lungsod ng Las Piñas.
Ang nasakoteng suspek ng mga tauhan ng Philippine Drug Enforcement Agency (PDEA) ay kinilalang si Paul Sohn alyas ‘Danny Lim’, nasa hustong gulang, residente ng Silicone St, Pilar Village, ng naturang lungsod.
Ayon kay PDEA Regional Director Gil Pabilona, dakong alas-9:00 ng umaga nang salakayin ng mga pulis ang tahanan ng suspek matapos na ma-beripika na ginawang isang ‘greenhouse’ o taniman ng marijuana ang bahay nito.
Tumambad sa mga otoridad ang iba’t ibang kagamitan sa pagpapalago ng halaman, isang laboratoryo, iba’t ibang uri ng drug pharaphernalias at ang mga pinatu-yong dahon ng high grade marijuana na tinatayang nasa P30-milyon ang halaga.
Nahaharap na ngayon sa patung-patong na kaso ang suspek.
- Latest