Pader gumuho, guwardiya dedo
MANILA, Philippines — Patay ang isang guwardya matapos itong mabagsakan at matabunan nang gumuhong pader dahil sa lumambot na lupa sanhi nang walang tigil na pag-ulan dulot ng bagyong Ompong kahapon ng umaga sa Caloocan City.
Kinilala ang nasawing biktima na si Domingo Peñaflor, 58.
Sa inisyal na report sa tanggapan ni Northern Police District (NPD) deputy director for Adiministration Sr. Supt. Ariel Arcinas, naganap ang insidente alas-7:30 kahapon ng umaga sa binabantayang compound ng biktima sa Galera St., 9th Avenue, Brgy. 102, Caloocan City.
Nabatid na naka-duty ang biktima nang mabagsakan at matabunan ng gumuhong pader.
Nakuha ang bangkay ng biktima ng mga rumespondeng Caloocan City Rescue.
- Latest