Illegal drugs sinisilip sa pag-ambush sa brgy. chairman sa Maynila
MANILA, Philippines — Tinututukan ng Manila Police District (MPD)-homicide section ang kanilang imbestigasyon na may kinalaman sa illegal drugs ang naganap na pagpaslang sa isang barangay chairman sa Ermita, Manila kamakalawa.
Ito’y matapos na maka- kuha ng aluminum foil na gamit sa pagsa-shabu ang natagpuan sa bulsa ng pinaslang na chairman ng Brgy. 330, Zone 33 na si Angel Joy Rivero.
Si Rivero ay magugunitang lulan ng kanyang Ya- maha motorcycle at bumabagtas sa panulukan ng Burgos at Ma. Orosa Sts. nang dikitan ng riding-in-tandem na suspect dakong ala-1:50 ng hapon noong Huwebes, ayon kay PO3 Ferdinand Leyva ng MPD Station 5 investigator.
Sinabi naman ni MPD-homicide investigator SPO1 Michael Marragun na hiniling nila ang drug testing at autopsy sa labi ng brgy. chairman para madetermina kung ito ay gumagamit ng illegal drugs.
Gayunman, nilinaw nito na hindi pa basehan ang nakuhang aluminum foil sa kanyang bulsa para sabihing dawit ito sa droga. Sinasabi ring anti-illegal drug advocate ang biktima.
Gayunman, isang malapit na kaibigan ni Rivero ang nagsabing gumagamit ng ilegal na droga ang huli.
Hindi naman kasama ang nasawi sa drug watchlist.
- Latest