Curfew sa mga minor, pinatututukan sa Caloocan

MANILA, Philippines — Inatasan ni Caloocan City Mayor Oscar Malapitan ang pulisya na mahigpit na ipa­tupad ang curfew sa mga menor de edad kasunod sa pagkapaslang sa 14-anyos ng kapwa niya out of school youth.

Ayon kay Malapitan  ihaharap ang murder complaint sa 15-anyos na suspect na isinuko mismo ng pamilya nito.

Bukod sa pagkapaslang nito sa 14-anyos na biktima, dawit din ang suspect na menor-de-edad sa motornapping incidents, ayon sa pulisya.

Nakuhanan ng CCTV kung paano pinagpapalo ng dos por dos ng suspect ang biktima sa may M/ De Castro St. sa Brgy. 144, Bagong Barrio sa lungsod.