Rookie cop huli sa buy-bust
Isinuplong ng Misis
MANILA, Philippines — Isa na namang bagitong pulis ang nadakip dahil sa droga sa isinagawang buy bust operation na ikinasa nang pinagsanib na pwersa ng Southern Police District (SPD) at National Bureau of Investigation (NBI) kamaka-lawa ng gabi sa Taguig City.
Kinilala ang suspect na nadakip na si PO1 Jeffrey Amador, 29, ng Providencia St., Brgy. Signal ng naturang siyudad, nakatalaga sa Taguig City Police Community Precinct (PCP) 1.
Ang pagkakadakip kay PO1 Amador ay bunsod sa reklamo ng kanyang misis na si Michelle, 22 na lagi niyang ginugulpi kung saan napag-alaman na ang na-turang suspect ay sangkot din umano sa droga.
Alas-8:45 kamakalawa ng gabi nang magkasa ng buy-bust operation ang pinagsanib na pwersa ng SPD at NBI mismo sa tinitirhan ng suspect.
Isang pulis ang nagpanggap na bibili ng shabu at nang maiabot na sa suspect ang buy-bust money, ito na ang hudyat para arestuhin si Amador.
- Latest
