Buy-bust: 1 patay, 3 timbog
MANILA, Philippines — Utas ang isa habang kulong naman ang tatlo pang hinihinalang ‘tulak’ ng iligal na droga nang manlaban sa isinagawang buy-bust operation ng mga tauhan ng Manila Police District-Station 1 sa Gawad Kalinga, Brgy. 105, Tondo, Maynila, kahapon ng madaling araw.
Nagresulta sa putukan ang operasyon matapos matunugan ng suspek na si Jeric Topacio, alyas Ebok, na undercover ang kaniyang ka-transaksiyon kung saan agad nitong binunot ang dalang baril at tangkang barilin ang pulis gayunman, naunahan na rin siya ng awtoridad na naging dahilan ng kaniyang kamatayan.
Sa ulat ni MPD-Station 1 chief, Supt. Jay Dimaandal, dakong ala-1:30 ng mada-ling araw nang maganap ang engkuwentro sa tahanan ng suspek na matatagpuan sa Gawad Kalinga, sakop ng Barangay 105, sa Tondo
Target umano si Topacio sa nasabing operasyon na kabilang sa drug watch list ng barangay.
Nasamsam sa crime scene ang dalawang sachet ng shabu, isang kalibre 38 baril at dalawang basyo ng bala mula sa kalibre 45.
Tatlo pang kasamahan ng suspek ang dinakip ng mga awtoridad. (With trainee Alliah Zain A. Delgado)
- Latest
