OFW nagpa-abort, dedo nang maubusan ng dugo
MANILA, Philippines — Patay ang isang 32-anyos na babaeng Overseas Filipino Worker (OFW) nang maubusan ng dugo makaraang sumailalim sa abortion habang nakacheck-in sa isang hotel sa Quiapo, Maynila, kamakalawa.
Dead-on-arrival sa Jose Reyes Memorial Medical Center (JRMMC) si Nelia Asuncion Sotelo, na karara-ting pa lamang umano sa Pilipinas mula sa pamamasukan bilang domestic hel-per sa Middle East.
Sa ulat mula sa tanggapan ni Supt. Julius Caesar Domingo ng Manila Police District-Station 3, alas-2:30 nang hapon nang mai-report sa Barbosa Police Community Precinct (PCP) ang insidente ng abortion sa loob ng Hotel 99 sa R. Hidalgo St. Quiapo, Maynila.
Nabatid na Martes, Hulyo 10 ala-1:00 ng hapon nang magcheck-in si Sotelo kasama ang kaibigang si Cathe-rine San Jose, 36, sa hotel at alas-2:00 ng hapon ng araw na iyon ay dumating ang suspek na si Luzviminda Tibay, 57, na nagsagawa umano ng abortion na nabayaran ng P10,000.
Miyerkules, alas-2:30 ng hapon nang madatnan ni San Jose si Sotelo na nakahandusay sa comfort room ng hotel at umaagas ang dugo sa kaniyang kaselanan at walang malay. Lumabas lamang umano si San Jose para bumili ng kanilang pananghalian at sa pagbalik niya sa hotel ay nagulat sa nakitang hitsura ng biktima.
Base sa attending physician na si Dra. Stephanie Donato, “Septic Shock from Induced Abortion” ang sanhi ng pagkamatay ni Sotelo.
Hawak na ng MPD-Ho-micide Section ang suspek na ipaghaharap ng mga kasong kriminal kaugnay sa pagkamatay ni Sotelo.
- Latest