Makati nagbabala laban sa plastic
MANILA, Philippines — Ikinaalarma ng pamahalaang lunsod ng Makati ang lumalalang problema sa plastic pollution matapos tukuyin na ang Pilipinas ang nangungunang pinanggagalingan ng tone-toneladang plastic waste na naaanod sa karagatan sa buong mundo at nagiging sanhi ng pagkasira ng marine life.
Dahil dito, binalaan kahapon ni Makati City Mayor Abby Binay ang mga food at retail businesses sa lunsod na sumunod sa citywide plastic ban at gumamit ng mga environment-friendly packaging at dining utensils.
Ginawa niya ito matapos makatanggap ng report mula sa Department of Environmental Services na ang ilan sa mga food establishment ay may paglabag sa Solid Waste Management Code ng lunsod.
Ayon kay DES chief Leopoldo Parumog, sa 2,269 retail establishments at food outlets na ininspeksiyon ng Plastic Monitoring Task Force (PMTF) teams, nabatid na 114 o limang porsiyento dito ang lumabag sa plastic ban.
- Latest
