Preso tigok sa siksikang selda
MANILA, Philippines — Patay ang isang inmate ng Manila Police District-Station 9 dahil sa paninikip ng dibdib sanhi ng overcrowded na selda sa Malate, Maynila, iniulat kahapon.
Kinilala ang nasawing preso na si Joel Fernandez Luartes, 36, Zapanta St., Singalong, Maynila.
Sa isinagawang imbestigasyon ni SPO3 Jonathan Bautista kahapon, noong Hulyo 2 pa nang isugod sa Ospital ng Maynila si Luartes matapos makaramdam ng paninikip ng dibdib at hirap sa paghinga sa loob ng MPD-Station 9 sa Malate.
Nakita sa katawan ng biktima ang maraming pigsa at posibleng may iba pang karamdaman na aalamin sa isasagawang awtopsiya.
Si Luartes ay naaresto noong Hunyo 14, 2018 sa paglabag sa section 5 at 11 ng Republic Act 9165 o Comprehensive Dangerous Drugs Act of 2002.
Tulad ng mga dating ulat, siksikan sa selda ng nasa-bing istasyon ang dahilan ng pagkakasakit ng mga preso dahil sa kapasidad lamang na 30 ay umabot na ito sa 90 inmates.
- Latest
