MRT-3 nagkaaberya; 850 pasahero pinababa

MANILA, Philippines — Kabuuang 850 pasahero ng Metro Rail Transit Line 3 (MRT-3) ang pinababa matapos magkaroon ng electrical failure ang sinasakyan nilang tren sa area ng Makati City kahapon ng umaga.

Ayon sa pamunuan ng MRT-3, dakong alas-7:53 ng umaga nang pababain ang mga pasahero sa southbound ng Guadalupe Station nang pumalya ang motor ng sinasakyan nilang tren dahil sa mahinang kuryente.

Sinasabing nasira rin ang sub-components ng motor tulad ng regulator at insulator ng tren.

Ang tumirik na tren ay hi­natak pabalik sa MRT-3 depot sa North Avenue, Quezon City para ayu­sin. Habang ang mga pinababang pasahero ay isinakay sa kasunod na tren matapos lamang ang may limang minuto.