Pulis timbog sa multi-million investment scam
MANILA, Philippines — Isang aktibong pulis ang dinakip ng kanyang mga kabaro kaugnay sa multi-million peso investment scam na karamihan sa kanyang mga biniktima ay kapwa niya pulis.
Ang dinakip ay nakilalang si SPO1 Honorio Negrito, 52, na natunton sa kanyang bahay sa Brgy. West Crame sa bisa ng warrant of arrest na inisyu ni Judge Mina-Aguba ng QC Regional Trial Court Branch 100.
Si Negrito ay huling naka-assign sa QCPD Cubao Police Station bago siya maaresto.
Ayon kay Supt. Rodelio Marcelo ng QCPD-CIDU na si Negrito ay itinuturing na ‘one-man investment scammer’ at ang tinatarget na biktimahin ay kapwa pa niya pulis. Ilan dito ay nakapag-invest na ng may isang milyon buhat sa kanilang retirement funds.
May sampu nang complainant ang direktang nagsampa ng kasong estafa laban dito.
Nagsimula sa ganitong aktibidad si Negrito taong 2005 na nangangako ng mata-as na interes, high income sa kanyang mga investors.
Nasa P400,000 ang inirekomendang bail para sa kanyang pansamantalang paglaya.
- Latest
