Provincial bus drivers, 6 na oras lamang ang pagmamaneho- LTFRB
MANILA, Philippines — Hindi na papayagan ng Land Transportation Franchising and Regulatory Board (LTFRB) na makapagmaneho ng mahigit sa anim na oras ang nag-iisang driver ng alinmang provincial bus na malayo ang destinasyon.
Sinabi ni LTFRB Board Member Aileen Lizada, kung ang biyahe ng provincial bus ay mahigit sa anim na oras, kinakailangang may kasama itong alternate driver.
Anya, ang alternate driver ay hindi maaaring konduktor ng provincial bus gaya ng nakakagawian ng iba.
“Maximum number of continuous hours ng mga drivers ay six hours lamang, kung in-excess of six hours ang trip, kailangan may alternate driver na po, at yung alternate driver ay hindi po yung konduktor,” pahayag ni Lizada.
Ang pahayag ni Lizada ay ginawa makaraang sabihin ni Pangulong Rodrigo Duterte na walang provincial buses ang mamasada ng hanggang 12 oras at kailangan ay may karelyebo na ito sa pagmamaneho upang maiwasan ang anumang aksidente sa lansangan.
- Latest