Rollback sa presyo ng petrolyo

MANILA, Philippines — Matapos ang sunud-sunod na pagtaas sa presyo ng petrolyo, nakatakda naman ngayong araw (Mayo 8) na magpatupad ng rollback ang mga kompanya ng langis.

Ang rollback ay pinangu­nahan ng Pilipinas Shell, Flying V, Seaoil at Phoenix Petroleum Philippines, na  nagtapyas ng halagang  P0.30 kada litro ng gasolina, P0.30 kada litro sa diesel, at P0.60 kada litro sa kerosene epektibo ngayong alas-6:00 ng umaga.

Inaasahan naman na susunod ding mag-aanunsiyo ang iba pang kompanya ng langis para sa rollback sa kahalintulad na halaga.

Ang ipinatupad na oil price rollback ay bunsod sa patuloy na paggalaw ng pres­yuhan nito sa pandaigdigang pamilihan.