Modernong jeepneys, bibiyahe na sa Abril
MANILA, Philippines — Bibiyahe na sa mga lansangan sa Metro Manila at ilang mga lalawigan sa buwan ng Abril ang may 500 mga bagong jeepneys tugma sa ipapatupad na modernization program ng pamahalaan, ayon sa Department of Transportation (DOTr).
Ayon kay DOTr Undersecretary Tim Orbos, malapit nang masubukan ng riding public ang mga modernong jeepney sa iba’t ibang lugar maging sa mga developmental routes na pinag-aralan ng DOTr.
Bukod sa Metro Manila, iintroduce na rin ito sa ilang lalawigan tulad ng Mindoro, Nueva Ecija, Tacloban City at Iloilo.
Nais umano ng DOTr na masubukan na ito ng publiko at maikumpara ito sa mga lumang jeepney.
Idinagdag pa ni Orbos na karamihan sa mga bagong units ay makakakuha ng prangkisa sa ilalim ng tinatawag na “dropping and substitution” scheme kung saan ipapalit ito sa mga dating franchise holders.
Wala umanong “standard look” sa mga bagong jeepneys, gayunman kailangang matugunan ng mga operators ang specifications, kinakailangan na nasa ilalim ng modernization program. Kabilang dito ang engines na aangkop sa Euro 4 emission standards, 22 –seating capacity at side door.
Related video:
- Latest