QC naglaan ng P10-M pondo sa peace and order council sa NCR
MANILA, Philippines - Naglaan ang Quezon City government ng P10 milyong pisong pondo para gamitin sa operasyon ng peace and order council ng National Capital Region (NCR)
Ito ay makaraang aprubahan ng QC council ang resolusyon 7040-2017 na iniakda nina QC councilors Franz Pumaren, Godofredo Liban III at Alexis Herrera na nagkakaloob ng P10 milyong donasyon para magamit sa operasyon at maipatupad ang kanilang mandate at iba’t ibang aktibidad.
Inootorisahan naman ng naaprubahang resolusyon si QC Mayor Herbert Bautista na maipalabas ang pondo para rito.
Nangako naman si Bautista na e-maximize ang resources ng gobyerno at matamang makikipag -ugnayan sa mga kinauukulang sektor upang epektibong masolosyunan ang mga usaping may kinalaman sa banta ng seguridad at pagmamantine sa kaayusan at katahimikan sa NCR.
Si Bautista ay naitalaga ni Pangulong Rodrigo Duterte bilang Chairperson ng Regional Peace and Order Council sa NCR noong nagdaang Disyembre.
- Latest
