Dagdag-bawas sa presyo ng petrolyo, sasalubong sa pagbubukas ng klase

MANILA, Philippines – Sa unang linggo nang pagbubukas ng klase, sasalubong dito ang nakaambang dagdag-bawas sa presyo ng produktong petrolyo.

Nabatid sa oil companies, posibleng nasa  P0.20 hanggang P0.30 ang dagdag sa presyo sa kada litro ng diesel habang P0.10 hanggang P0.15 naman sa presyo ng  kerosene.

Samantalang, bababa naman ang presyo ng ga-so­lina, na  aabot sa P0.20 hanggang P0.30 kada litro.

Ang panibagong dagdag-bawas sa presyo ng produktong petrolyo ay base sa apat na araw ng trading ng langis sa pandaigdigang merkado.