Flood control project ng DPWH binira ng Navotas
Mariing kinondina ng pamahalaang lokal ng lungsod ng Navotas ang umano’y “dispalinghado o palpak” na proyekto ng Department of Public Works and Highways na may kaugnayan sa Caloocan, Malabon, Navotas at Valenzuela Flood Control matapos tumaas ang tubig baha sa ilang area sa Navotas sa panahon ng tag-init kung saan dati ay hindi naman ito binabaha.
Labis na kinagulat ng mga residente ang pagbahang naganap sa Phase 1, Kapit-bahayan,
Mariing sinisisi ni Navotas City Mayor Tobias “Toby” Tiangco ang umano’y kapalpakan ng proyekto ng DPWH na Mega Flood Control.
Ayon sa alkalde, ang biglaang pagtaas ng tubig ay resulta ng dry-run ng Bangkulasi Pumping Station na kasama sa nasabing proyekto.
Nabatid na matagal na aniyang hindi binabaha ang Phase 1 sa Kapit-bahayan simula ng mag-operate ang Babanse Bombastik Pumping Station.
Subalit ngayon, dahil sa pakikialam at kapalpakan ng CAMANAVA Flood Control project, naperwisyo na naman ang mga taga-Navotas, ayon kay Tiangco.
Sinabi rin ni Navotas City Engineer Lito Serrano na hindi nakipag-ugnayan sa kanila ang DPWH sa gagawin nitong pagtesting sa Bangkulasi Pumping Station kaya hindi nakapaghanda ang mga residente sa biglaang pagtaas ng tubig.
Kabilang sa mga naapektuhan ng pagbaha ay ang ginanap na graduation sa Kapitbahayan Elementary at High School, Navotas Polytechnic College, San Lorenzo Ruiz Parish, barangay hall ng NBBS at mga naninirahan sa naturang lugar. (Lordeth Bonilla)
- Latest
- Trending