ARQ-Talisay gisubha'g daog sa Northball U25 caging
CEBU, Philippines — Giablihan sa ARQ Builders-Talisay City ang ilang kampanya pinaagi sa usa ka masipang buto human gilat-an ang eadway/Lapu-Lapu City, 115-89, sa Northball Under 25 Inter-Town Basketball Tournament niadtong weekend didto sa Lapu-Lapu City Court 1.
Si Elmer Villabrille mikadlit og 18 puntos samtang sila si Kim Trigue and Clark Louis Ruedas nagkumboya'g 29 puntos alang sa ARQ-Talisay ni coach Ronald Bucao nga naalkansi og usa ka lugas, 26-27, pagkahuman sa unang 10 minutos sa aksiyon.
Apan ang ARQ-Talisay milusad og mainit nga resbak sa ikaduhang kuwarter, 32-16, aron ilogon ang labaw sa halftime, 58-43, sa hingpit.
Ang ARQ-Talisay nakasustinir sa ilang kainit sa nahibilin nga bahin sa duwa dayon na ngadto sa paglansang og 26 puntos nga demolisyon.
Didto sa Pasil basketball court, ang Liloan Tornadoes milampornas sa Triple R-Cebu City, 108-79.
Sa ubang mga resulta, ang Red Lions Sea Faring-Toledo City mibihag sa Black Riders-Aloguinsan, 93-89, ang Team Na May Puso-Compostela mipaksit sa Rongcales Customs Brokerage/Lapu-Lapu City sa susamang 93-89 nga desisyon, samtang ang Danao Gun City mipatikangkang sa Catmon Ever Sure, 104-65.
- Latest
