Viscom nakaalerto sa super typhoon Betty
HADR equipment, assets naka-standby na
LAPU-LAPU, Cebu City, Philippines — Mas pinaigting ng Visayas Command (Viscom) ang pagsisikap at paghahanda nito sa Humanitarian Assistance and Disaster Response (HADR) ngayong nakapasok na ang super typhoon “Betty” sa Philippine area of responsibility (PAR).
Sinabi sa ulat ng Viscom at ang mga subordinate unit nito na inilagay na ang lahat ng kanilang HADR Teams sa standby alert para handa na sa pagkilos kaugnay sa inilabas na kautusan noong Martes, Mayo 23.
Lahat ng HADR equipment, communication assets, pati na air at land mobility assets ay nasuri na at nakalagay din sa standby alert. Gayundin, ang close coordination sa mga lokal na Disaster Risk Reduction and Management Councils (DRRMCs) para sa sabay-sabay na pagtugon sa kalamidad kapag kinakailangan.
Tiniyak ni Army Lieutenant General Benedict Arevalo, ang commander ng Viscom ang kanilang “high state of readiness” sa pagresponde sa sakuna.
“Rest assured that VISCOM is prepared to deliver timely and efficient disaster response, especially in areas most susceptible to disasters. Preparations have been made and close coordination has been established for a cohesive and synchronized effort to ensure the safety and well-being of our people in the Visayas region,” aniya.
Batay sa pinakahuling weather forecast ng PAGASA, ang super typhoon “Betty” ay puno ng lakas ng hangin na 195 km/hour, na may pagbugsong 240 km/hr habang papalapit ito sa land mass ng bansa na kumikilos pakanluran-hilagang-kanluran. Inaasahang mapapalakas nito ang Southwest Monsoon na maaaring magdulot ng malakas na simoy ng hangin hanggang sa malapit sa mga kondisyon ng unos na may pasulput-sulpot na pagbugso sa Visayas region. Gayundin, maaaring asahan ang mga flash flood at landslide scenario dahil sa katamtaman hanggang sa malakas na pag-ulan na maaaring idulot ng super typhoon, partikular sa Western Visayas.
Hinimok ni Lt. Gen Arevalo ang publiko na sumunod sa mga payo ng kani-kanilang local government units, na nagsabing, “Situation like this requires the cooperation and active participation of every individual for us to be resilient. As such, we encourage the public to keep monitoring the situation and adhere to the advisories of their respective local government units, especially on preemptive evacuation.”
- Latest
