‘Teleportation or tele-airportation?’
Dahil laging iniisip ang pagkukunan
Ng paksa’t isusulat linggo-linggo na lang,
Ako Ang Poet N’yo ay hindi maiwasan
Na pasukan ng kung ano-ano isipan!
May bago at luma, ngayon at nakaraan,
Pagbabagong nangyayari alam n’yo naman!
Mga pampaligaya’t kinatatakutan
Sa mundo’t sarili mamimili ka na lang!
Katulad nung nangyari nung August Thirty-One,
Muli ay naka-sinturong pangkaligtasan
Dahil sa Macao ako’y pumunta na naman!
Naturalmente daan uling immigration!
Sa tuwing magba-viaje ay palaging ganyan,
Napakaraming bagay na pagdaraanan
Kaya sa isip ko’y nakipagkatuwaan
Na kung sakaling totoo teleportation!
Wow! Yun bang parang Star Trek ang dramatization!
Time travel hanggang ngayo’y isang science fiction!
At yan ang nilalaman ng aking isipan
Habang papuntang Eat Bulaga one afternoon!
Kung bagay na ito ay may katotohanan
At nanaisin mong sa parehong panahon
Ay ikaw sa ibang lugar ay paparoon,
Saan o ano ang una n’yong pupuntahan?
Nung una kong naisip ganitong sitwasyon,
Nagkataon namang ako’y ginugutom!
Kaya sa Las Vegas agad sa may Venetian
Pinakamasarap na fried rice ang nanduon!
‘Di ko na maalala ang kanyang pangalan
Basta sa ground floor at isang Chinese restaurant
Kaya ang ginawa ko ay nag-google na lang,
Nanlumo ako’t mukhang ito na’y sinarhan!
Nang biglang maudlot sa munting “kabaliwan”
Pagkat dumating na ang aking sinasakyan
Sa may APT Studios, Cainta kung saan
Bulaga araw-araw pinagdarausan!
Pagpasok ng studio ang una kong dinatnan
Ay mga babaeng hosts na mine-make-up-an
At dahil may amats pa ng teleportation,
Girls ang napagbuntuna’t napagdiskitahan!
Nabigla rin sila sa aking katanungan,
Si Pia nagbigay ng unang kasagutan —
Nais nya’y sa Hawaii syempre magliliguan …
At mga babae lahat na’y nagsunuran!
Ang gagawin nila agad nailarawan —
Op kors naka-bikini sa Waikiki Beach ‘yan!
Nawala na gutom ko kahit tanghalian
At nasabi ko, “sasama na lang ako d’yan!”
He, he, he … wala lang, mahirap nang maiwan!
‘Tsaka ‘yang sinangag sa ibang araw na lang!
Paborito namin pareho ni Tito yan
Pero swimming mas importante sa katawan!
Bomalabs naman talaga teleportation!
May time difference lang ngunit mapupuntahan!
Sobrang talino na ‘yan at pakikialam
Kaya tele-airportation magtyaga na lang!
- Latest
- Trending