Tito Miguel

Dear Tito Miguel,

Maayong adlaw! I'm Ethan, 16 years old ug in the closet. Akong problema kay nakigbungol nako akong childhood friend nga si James human ko nipadayag niya nga na inlab ko niya.Na-inspire man gud ko sa mga boys love series nga uso karon, maong nitug-an ko ni James, nasuko man hinuon siya. Mora'g nawad-an ko'g gana sa life. First love baya unta nako siya. Unsay angay nakong buhaton, Tito Miguel: ipadayon ko ni or move on? —Ethan

Ethan,

Move on. Ang iya’ng reaksyon says it all. Wala ka maghisgot unsa iya’ng preference. Lagmit siya straight kay ngano nagpalayo man. Busa wala’y purohan nga mahimong kamo. Ang imo’ng inspirasyon sa boy’s love series angay lamang sa pareho’g gipangita. Kun duna ma’y exception, lagmit one in a million o dili ba kaha duna’y laing intensyon.

Batan-on pa ka, halos tanan first love mapawong ra dayon inig labay sa panahon. Igo ra na mobilin nimo’g kasinatian, mohatag og pagtulon-an sa gugma ug kinabuhi. Masundan pa na’g daghan, moagi pa ka’g kalipay kuyog ang kasakit, pangilad, pagbudhi ug panamilit hangtod nga ang gitagana nimo imo’ng makaplagan. Busa dalha ang leksiyon nga imo’ng nakat-onan, nga sigurohon ang imo’ng gipadaygan duna’y purohan. Inig ka edaran nimo, magkatawa na lang ka sa kaamgohan nga di man diay to gugma.

Karon kun sa inyong panaghigala ikaw gianugnan, mahimo ka magparamdam. Pangayo’g dispensa kun siya nakugang o di ba kaha sa alanganin imo siya nabutang. Iklaro nga wa ka’y intensyon mamugos niya, igo ra nimo gipamulong ang kamatuoran nga naa sa imo’ng dughan. Labaw sa tanan, nagpabilin ka nga higala. Pasagdi lang siya samtang tutok ka sa imo’ng pangeskuyla. Ang gugma ayaw pangitaa, kalit ra na mopatim-aw sa wa damha. —Tito Miguel