Love story

Dear Banat News,

Maayong adlaw sa tanang suki nga readers sa Banat News ilabi na sa Love Story. Ako diay si Nazarina, 24 years old ug nag-work isip call center agent. Permi gyud ko mobasa sa Banat News kay malingaw gyud ko. Naa ko’y boyfriend ron, si Edsel, 25 years old ug nag –work sa usa ka LGU.

Kapin na sa duha ka tuig ang among relasyon. Nagkaila mi ni Edsel kay nagka-classmate mi sa pila ka subjects pag-college.

Tungod sa ka grabe namo ka-close, nagka-MU o mutual understanding gyud ang among level.

Hangtud nga nakahukom mi nga mag-uyab na lang ming duha. Sa tinuod lang, wala gyud nanguyab si Edsel nako, sabot-sabot ra ang nahitabo nga uyab mi. Nagkasinabtanay man, so mao nato, wala'y panguyabay.

Bata-bataon baya si Edsel, pero ambot lang uy, diha ra gyud nagtuyok ang akong kalibutan kaniya.

Daghan ko’g friends nga nitambag nako nga dili daw ko magpalabi kay grabe daw ko kananing sa among relasyon.

Pero unsaon taman uy, love gyud nako si Edsel . Ako gyud ang patay kaayo niya.

Sige lang uy,  ang importante nga happy kay ko sa among relasyon. Siguro dili na maihap ang pagsige namo og buwag, unya magbalik ra pud dayon. Nakaingon baya ko nga siya na gyud ang akong forever.   Ambot kaha, mag-unsa na lang ko kung mawala si Edsel sa akong kinabuhi. Yes, OA ra paminawon pero mana akong gibati.

Dili nako ka-appreciate sa ubang lalaki kay naa gyud kang Edsel ang akong atensyon. Duna pud baya’y mo-flirt nako nga ubang lalaki,  apan puros ra nako sila gipangdedma. Naa ra naka-focus kang Edsel ang akong kasingkasing.

Ingon ani lang gyud ko mahigugma. Dugay na gyud ko gusto magpadala sa akong love story, apan karon rako nagkalakas ng loob.

Medyo uwaw pud baya kay ako ang girl pero ako ang patay kaayo sa boy. Sige na lang uy, mao naman gyud ni, ako na lang gyud barugan.

Request lang ko sa lyrics sa  Forever by Regine Velasquez and Martin Nievera.

* * *

Hi  Nazarina! Thank you so much sa imong LOVE STORY! Paabuta ugma puhon ang imong request.

Dear suking readers, aduna ba kamo’y LOVE STORY? Suwata ka na ug ipadala pinaagi sa pag-like sa atong Facebook Page: Banat News Hugyaw (BNH)   o Banat News. I-like ang atong page daan, unya i-private message ang imong LOVE STORY. Ayaw lang i-abbreviate  aron matarong og basa.