Love story

Dear Banat News,

Hello  sa tanang tigbasa og Banat News ilabi na sa Love Story. My name is Nicole, 32 years old ug nag-work isip admin staff sa usa ka pharmacy.

Sige  gyud ko basa sa Banat News kay malingaw man gud ko. Naa ko’y uyab ron, siya si Janmark. Nag-edad siya og 22 ug nag-work siya sa usa ka mahalon nga restaurant apan pahuway siya ron sa work tungod sa ECQ.

Sa tinuod lang, mura’g common na among love story. Daghan nako og nabasahan dinhi nga susama sa dagan sa among love story. Pero dili man ko mahimutang kun dili ko kapadala, ilabi na nga suki ko sa Banat News.

Duha ka tuig kapin na diay ang relasyon namo ni Janmark. Nagkaila mi, tungod ra pud anang paila-ila sa dihang naka-jam ko sa iyang barkada.

 Pag-una, dili kay nako feel si Janmark kay medyo tala-tala man uy. Ambot lang, dili ko makasabay sa iyang pagka-tala nga dili nako ma-explain.

Hangtud nga nagka-Facebook mi, ako na lang pud gi-accept aron dili siya malain.  Sa dihang ni-chat bitaw siya kay ganahan daw siya nga makaila siya nako og maayo. Wala gyud ko mo-reply sa nagsagunson niya nga messages kay dili gyud nako siya feel.

 Samtang padulong nako out sa work, kalit bitaw siya nipatim-aw nako, naa siya sa gate.

Wala gyud koy mahims.  Napugos na lang gyud og tagad niya.  Manghagad daw siya dinner nako.  Kay naikog man ko nisugot na lang pud ko.  Nisulti siya nga nangutana siya sa uban nako nga friends about sa akong work maong natultulan gyud ko niya. Sa una namo nga date, medyo kiwaw gyud kaayo.  Apan sa dihang taas-taas na ang among istorya, akong na-discover nga bisan weirdo siya, cute man siya tutokan ug nabantayan pud nako nga bright siya kay makasabay ra siya og bisan unsa nga topic.

Nasundan og kadaghan ang among date hangtod nga na-develop ko niya. Nidiskarte siya nako, apan niabot og upat ka bulan, diha pa nako siya gisugot kay maniguro sad ko uy.

Wala nako damha nga pag-abot og unom ka bulan sa among relasyon kay nagkabuwag mi. Kataw-anan ra sad kaayo kay  duha ka semana rami nagbuwag ug nagbalik ra pud mi.

Ang among giawayan kay ni-chat ang iyang ex ug iyaha pud gi-replayan maong ako siyang gibuwagan. Na-realize nako nga immature ra kaayo ko, dili ra man diay angay nga magselos uy kay ang chat sa iyang ex kay about ra sa ilang class reunion.

Ambot lang namong duha buwag-balik gyud ang among sitwasyon.  Duna pu’y time nga nagbuwag mi kay  wala ko niya tungaha sa among monthsary date. I think usa ka bulan mi nga nagbuwag niadtong higayona. Nagbalik ra sad mi kay amo ra  nga naistoryahan ug nag-sorry siya og maayo nako.

Naa pu’y time nga nga nagbuwag mi kay grabe siya kahubog samtang nanglaag sila sa iyang barkada. Nagkabuwag sad mi sa una kay gipalabi niya ang pagduwa og ML, mura’g usa ka bulan sad mi nga nagkabuwag niadtong higayona.

Ambot lang ni akong utok sa una. Medyo bata-bataon ra maong sayon ra kay nako nga buwagan siya. Apan bilib jud ko niya kay niantos siya sa akong batasan. Nagpabiling lig-on ang relasyon namo karon bisan pa man sa among mga naagian.

Request lang ko sa lyrics sa The Gift of Love by Bette Midler.

* * *

Hi  Nicole! Thank you so much sa imong LOVE STORY! Paabuta ugma puhon ang imong request.

Dear suking readers, aduna ba kamo’y LOVE STORY? Suwata ka na ug ipadala pinaagi sa pag-like sa atong Facebook Page: Banat News Hugyaw (BNH)   o Banat News. I-like ang atong page daan, unya i-private message ang imong LOVE STORY. Ayaw lang i-abbreviate  aron matarong og basa.