Love story

Dear Banat News,

Hello sa tanan nga mga suking readers sa Love Story. Ako diay si   Khen ,  22 years old, taga Banawa, Guadalupe, Cebu City.

Aduna  ko’y ka-MU karon, si Jerose, 23, years old, taga Green Village, Guadalupe.  Kapin sa upat ka buwan nami nga mag-MU.  Nagkaila mi ni Jerose  tungod kay gidala siya sa usa nako ka friend sa among charity event. Sukad ato , gisugod mi og tupo sa among friends.

Hangtud nga nagkasuod mi ug sweet naa na kaayo mi sa usag-usa.   Ang among text ug chat kay mura na gyud og uyab ang dating.

Apan managsama  mi og desisyon nga dili pa himuong opisyal ang among relasyon aron dili mi ma -pressure ilabi na sa gitawag nga commitment.  Samotan na karon nga wala nami nagkita  tungod sa enhanced community quarantine. Basta mahuman lang ang ECQ, magtagbaw gyud mi og date.

Hinuon aduna mi kasabotan, kun maabtan og tuig ang among status isip mag-MU, himuon na namo og opisyal ang among relasyon.   Mao gyud kini  ang among basehan   ug kinahanglan nga taas gyud mi og pasensya.

Hinuon happy ra kaayo mi kun unsa mi karon, bisan MU lang , okay na kaayo kay ang importante nga maila-ila gyud namo og maayo ang usa'g-usa.  Dili mi susama sa uban nga moahat gyud og sulod sa usa ka relasyon bisan dili pa sila suweto sa usag-usa.

Wala pasad ko kasuway nga naa koy giselosan kay na-feel man sad nako nga ako ra gyud ang gi-entertain ni Jerose.  Nalingaw ra pud ko , kay iyaha ra man sad “i-my day” sa messenger ang among sweet convo usahay.

Dako akong pagtuo  nga dili gyud maguba ang status namo karon . Nisamot pa gyud kalig-on ang among komunikasyon .

Tungod sa ECQ , sige na lang mi chat ug telebabad, kay wala baya laing lingaw.

Usahay naay mo-flirt nako nga laing girl sa FB , dili gyud ko motagad kay si Jelrose ra gyud ang gitawag nako nga akong  “only girl”  karong panahona.

Request lang ko sa lyrics sa Make It With You by Ben and Ben.

* * *

Hi Khen ! Thank you so much sa imong LOVE STORY! Paabuta ugma puhon ang imong request.

Dear suking readers, aduna ba kamo’y LOVE STORY? Suwata ka na ug ipadala pinaagi sa pag-like sa atong Facebook Page: Banat News Hugyaw (BNH)   o Banat News. I-like ang atong page daan, unya i-private message ang imong LOVE STORY. Ayaw lang i-abbreviate  aron matarong og basa.