Love Story

Dear Banat News,

Good morning  sa  avid   readers sa Love Story dinhi sa  Banat News. Tawga lang ko og Janice, 25 years old.

Kanunay gyud ko  mobasa og Banat News, ilabi na sa Love Story  matag Martes.  

Aduna ko’y uyab ron si Mart, 25 years old pud siya.

Lima ka tuig na ang among relasyon ug nagkaila mi tungod lang anang jam-jam og laag sa ubang grupo.

Ang akong friend nga si  Kalyla maoy nagpaila-ila kang Mart  kanako, kadtong nanglaag mi sa  usa ka resort sa Samboan.

Kay same man mi nga wala'y uyab kaniadto, wala ra gyu’y babag kun magpangayoay mi sa among mga contact number.

Bitaw pag-una nakong kita ni  Mart,  na-guwapohan dayon ko niya pero kutob ra gyud sa crush ang naa sa akong hunahuna, lain man sad kaayo kun mag-assume ko nga makagusto siya nako. Sagunson ang among teksanay, pero dili lang siya ang akong ka-text permi naa pu’y usa ka barkada ang gasige og text nako si   Christian.

Buotan si Christian, guwapo pud ug grabe siya ka sweet, maong mas makilig ko kun siya ang akong text, kumpara kang Mart  nga boring. Bisan crush nako si Mart, apan mas na-attract ko kang Christian  kay lagi sweet kaayo uy.

Hangtud nga  nagka-devalopay mi ni Christian ug sa dihang nanguyab siya nako ako siyang gisugot.

Human ato nahunong na ang pagteksanay namo ni  Mart, siyempre respeto pud sa akong uyab.

Kun molaag gani ang barkada, dili na mokuyog si Mart basta makahibalo siya nga naa ko. Laktod pagaksulti, naglikay siya nako ug klaro kaayo nga nasakitan siya kay nagka-uyab mi sa iyang amigo.

Pag-abot og pipila ka bulan sa among relasyon ni Christian, gibuwagan bitaw ko niya, kay nagbalik sila sa iyang ex-girlfriend.

Sige na lang ko og hilak ato, sakit kaayo ang iyang gibuhat, nang-gigil ko sa kalagot.   Nakadungog lang ko og istorya, nga samtang uyab pami ni Christian, sige na diay sila og communicate sa  iyang kanhi  girlfriend.

Samtang nagsakit ang akong kasingkasing, wala ko mag-expect nga niparamdam og kalit si Mart nako ug niana siya nga nakahibalo na daw siya nahitabo hinungdan nga iyaha kun gi-comfort. Dili gyud ko mutuo sa mga panultion sa una nga ma-develop daw ang usa ka tawo sa tig-comfort.

Apan ako ra pud gikaon ang akong istorya sa una,  tungod kay na-develop jud ko kang Mart,  busa ako dayon siya gisugot sa dihang nanguyab siya nako.

Iyaha kong gipanguyaban sa dihang nisulti ko niya nga naka-move na ko kang Christian.  Niabot gyud og upat  ka bulan ang pagdiskarte ni Mart  kanako sukad mi nagkabulag ni Christian.

Happy kaayo mi ron ni Mart,   ug panagsa ra pud mi mag- away. Mo-request ko sa lyrics sa Decode   by Paramore.

Hi Janice! Thank you so much sa imong LOVE STORY! Paabuta ugma puhon ang imong request

Dear HUGYAWnatics, aduna ba kamo'y LOVE STORY? Suwata ka na ug ipadala pinaagi sa pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate  aron matarong og basa.

Mahimo sab nga pinaagi sa snail mail. Ang atong address mao kini: Love Story C/o Banat News.