Love Story

Dear Banat News ,

Basta moabot na gani ang Martes, excited gyud ko mobasa sa Banat News tungod sa Love Story, ug ako na pud karon ang mo-share sa kaagi nako sa gugma.

Ako diay Irvin, 25 anyos ug  taga Labangon, Cebu City ug nag-work sa   usa ka local government unit dinhi sa Cebu.

Duna ko’y uyab, iyang name kay Germaine, 29 anyos  ug  nurse sa usa ka private hospital.

Nagkaila ming duha ni Germaine kay nagkauban mi kaniadto sa usa ka leadership training seminar sa usa ka resort.

Sa wala pa mi nag-work, active man mi sa kalihokan sa  youth sa among barangay sa sauna. Yes, same mi og barangay nga gipuy-an ni Germaine pero dili mi susama og sitio nga gipuy-an.

Sa panahon nga wala pa mi nag-work, didto mi nagsugod og char-char or  MU (mutual understanding) nga level.

Nisaad gyud mi sa usa’g-usa  nga dili sa mi mahimong mag-uyab kun  wala mi trabaho. Kahibalo ko nga OA paminawon   pero amo tung gituyo  para pud naa mi inspirasyon ug ganado mi nga mangita og work kay kahibalo mi nga naa mi gisaaran nga makapalipay rasad namo.

Sa dihang pag-abot sa panahon nga naa nami mga trabaho, gisugot dayon ko ni Germaine.

Huna-huna namo sa una, wala may angay nga dalian aron makakuha og label sa usa ka relasyon, ang importante nga malipayon mo ug naa gihapon ang kilig.

Duha ka tuig na diay ang relasyon namo ni Germaine ug proud ko nga daghan gyud moingon nako nga suwerte kay ko ni Germaine kay gawas nga guwapa, bright ug  boutan pa gyud kaaayo.

Bilib kay ko sa akong uyab, kay  dili gyud siya selosa nga pagkatawo ug usa kini sa rason nga nagkalig-on og samot ang among relasyon.  Naa man gud mi salig sa usa’g-usa. Para nako dili nako angay mangita og lain, naa na kang Germaine ang tanang kalidad nga gipangita nako sa akong future wife.

Plano namong duha nga magkapakasal  sunod tuig. Engaged na mi niadtong  January 1 ug didto kini nahitabo sa  Busay. Mo-request diay ko sa lyrics sa Ikaw At Ako by Moira Dela Torre.

Hi Irvin! Thank you so much sa imong LOVE STORY! Paabuta ugma puhon ang imong request

Dear HUGYAWnatics, aduna ba kamo’y LOVE STORY? Suwata ka na ug ipadala pinaagi sa pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate  aron matarong og basa.

Mahimo sab nga pinaagi sa snail mail. Ang atong address mao kini: Love Story  C/o Banat News